Xizmat sifatini baholang

Shahrisabz tumanida “Iqtisodiy rivojlanish va raqobatbardoshlikni oshirishda kichik va oʻrta biznes imkoniyatlarini kengaytirish” mavzusida boʻlib  oʻtgan xalqaro konferensiya doirasida “Biznesni rivojlantirish banki” ATB tomonidan taqdimotlar oʻtkazildi.

Bank tashkil etgan  “Kichik va oʻrta biznesning imkoniyatlarini oshirishda Biznesni rivojlantirish bankining tashabbuslari” nomli davra suhbatida “Kichik biznesni uzluksiz qoʻllab-quvvatlash” dasturi ijrosi boʻyicha erishilayotgan natijalar haqida axborot berildi.

Qayd etildiki, bank mazkur Dasturning asosiy tayanch banki sifatida tadbirkorlikni kengaytirish, xududlarda yangi ish oʻrinlari yaratish va aholi daromadlarini oshirishga qaratilgan biznes loyihalarni faol moliyalashtirib kelmoqda. Bank tadbirkorlar uchun  qulay shartlarda mahsulotlar va xizmatlarni joriy etmoqda.

Tadbirlar  davomida  ishtirokchilar bankning  “Tadbirkorga qulay bank” konsepsiyasi bilan tanishtirildi.

"Biznesni rivojlantirish banki" ATB Boshqaruvi raisining birinchi oʻrinbosari Shahzod Yusupov bank ilgʻor  yechimlar beruvchi, biznes uchun qulay innovatsion bank boʻlishga intilayotganini taʼkidladi.  Muloqotlarda  ishtirok etgan Jahon banki, Osiyo taraqqiyot banki, Yaponiyaning Yamagata universiteti vakillari bankning biznes rivojidagi oʻrni va  hissasini alohida eʼtirof   etishdi.

Shuningdek, mijozlar bank moliyaviy koʻmagida muvaffaqiyatli tatbiq etilayotgan loyihalari va amaliy  tajribalari  haqida soʻzlab berdilar.

Tadbirlarda xalqaro moliyaviy institutlari, tadbirkorlar bilan biznesni qoʻllab-quvvatlashga doir yangi tashabbuslar va yechimlar haqida oʻzaro fikr almashildi.

 Bank axborot xizmati