Bank kafolati turli xil tijorat va shartnoma munosabatlarida, masalan, tender savdolarida ishtirok etishni ta'minlash, shartnoma majburiyatlarining bajarilishini kafolatlash, avans to'lovlarini qaytarishni ta'minlash, bojxona to'lovlarini kechiktirish yoki import tovarlarni rasmiylashtirishda zarur bo'ladi. U tomonlar o'rtasidagi ishonchni mustahkamlaydi va moliyaviy xatarlarni kamaytiradi.

Bank kafolatida uchta asosiy tomon ishtirok etadi:

• Kafil (Bank): Kafolatni beruvchi va prinsipal majburiyatini bajarmasa, benefitsiarga pul to‘lashni o‘z zimmasiga oluvchi bank.

• Prinsipal: Bankdan kafolat olish uchun murojaat qilgan shaxs yoki tashkilot bo‘lib, uning benefitsiar oldidagi majburiyatlari bank tomonidan kafolatlanadi.

• Benefitsiar: Prinsipalning kreditori bo‘lib, bank kafolati bo‘yicha pul olish huquqiga ega bo‘lgan shaxs.

Bank kafolatini olish uchun mijoz (prinsipal) bank bilan shartnoma tuzadi. Odatda, prinsipalning moliyaviy holati (zarar ko‘rib ishlamasligi, muddati o‘tgan qarzlari yo‘qligi), ijobiy kredit tarixi va auditorlik xulosasi ijobiy bo‘lishi lozim. Talab etiladigan hujjatlar orasida kafolat buyurtmasi (ariza), ta’sis hujjatlari nusxasi, moliyaviy hisobotlar, biznes-reja va ba'zi hollarda ta'minot (garov, depozit va boshqalar) hujjatlari bo'lishi mumkin.