Faktoring
Mahsulot yoki xizmat uchun debitorlarning qarzini sotib olish imkoniyati
Faktoring nima?
Faktoring — bu yetkazib berilgan tovar yoki ko‘rsatilgan xizmat evaziga mijozdan kelib tushishi kutilayotgan qarz/debitorlik qarzdorligini bank yoki moliyaviy tashkilotga topshirib, shu asosda tezkor moliyalashtirish olish xizmati.
Bu qanday ishlaydi?
Siz — eksportchisiz.
Xaridoringiz — chet elda
Pul — 3 oyda kelishi kerak
Lekin siz — hoziroq olasiz
Bank — oraliq ko‘prik:
sizga pulni beradi, keyinroq xaridordan tushgan pullardan undiriladi
Faktoringni qanday olish mumkin?
Bank ofisiga tashrif buyuring
Ariza qoldiring, shartnoma tuzing
Hujjatlarni imzolang va mablag‘ni oling
Savollaringiz bormi?
Mijozimga mahsulot jo‘natdim, u 90 kunda to‘laydi. Menga esa oylik va xomashyo uchun hozir pul kerak. Faktoring bu muammoni hal qila oladimi?
Ha. Sizning debitorlik qarzdorligingiz (90 kunlik to‘lov va’dasi) asosida BRB Bank sizga hoziroq moliyalashtirish ajratadi. Siz ishchilaringizga oylik berishingiz, ishlab chiqarishni davom ettirishingiz mumkin.
Xaridorim Yevropadagi firma. U bilan shartnomamiz bor. Men esa har oyda partiya-partiya jo‘nataman. Har safar faktoring olish mumkinmi?
Ha. Siz BRB bilan “Bosh kelishuv” tuzasiz va shundan so‘ng har bir partiya bo‘yicha individual faktoring shartnomalari tuziladi. Bu sizga har oyning pul oqimini barqarorlashtirishga yordam beradi.
Xaridorim to‘lamasa-chi? Faktoring bo‘yicha men javob beramanmi?
Ha, bu mahsulot regress huquqi bilan taqdim etiladi. Ya’ni, agar xaridor shartnoma asosida belgilangan vaqtda to‘lovni bajarmasa, siz — yetkazib beruvchi sifatida bank oldidagi majburiyatni bajarasiz.
Mening mijozim davlat tashkiloti. U bilan shartnomam bor. Faktoring olsam bo‘ladimi?
Yo‘q. Faktoring budjet tashkilotlariga nisbatan qo‘llanilmaydi. Ushbu xizmat faqat tijorat (yuridik) shaxslar bilan tuzilgan oldi-sotdi shartnomalari uchun amal qiladi.
Qanday hollarda faktoring menga mos bo‘lmasligi mumkin?
Mijoz bilan tuzilgan shartnomada mahsulotni qaytarish huquqi mavjud bo‘lsa
To‘lovlar bosqichma-bosqich yoki bo‘nak asosida amalga oshiriladigan bo‘lsa
Qarzdorlik hajmi yillik daromadingizning 15% dan oshsa
Kompaniyangiz moliyaviy zarar bilan ishlayotgan bo‘lsa yoki mavjud kreditlar bo‘yicha kechikishlar mavjud bo‘lsa
To‘lovchi va to‘lovchining banki Offshor hududdan ro‘yxatdan o‘tmagan bo’lishi kerak
To‘lovchi, to‘lovchining banki yoki tovar qabul qiluvchilar FATFning qora ro‘yxatidagi davlatlarda va sanksiya kiritilgan hududlarda (Lugansk, Donetsk, Zaporojye, Xerson va Qrim) ro‘yxatdan o‘tmagan bo‘lishi kerak
Tovar jo‘natilgan, lekin hali bojxona hujjatlari rasmiylashtirilmagan. Faktoring olishim mumkinmi?
Yo‘q. Faktoring uchun eksport hujjatlari, jo‘natilgan tovarni tasdiqlovchi hujjatlar (CMR, invoice, shartnoma va h.k.) tayyor bo‘lishi lozim. To‘liq hujjatlar bo‘lmasa, moliyalashtirish taqdim etilmaydi.
Rahmat, sizning fikringiz biz uchun juda muhim!
Kerakli ma’lumotni topdingizmi?
