Fuqarolarning murojaatlari shakllari

"Biznesni rivojlantirish banki" ATBga murojaatlarni topshirish va ularni ko ' rib chiqish tartibi "jismoniy va yuridik shaxslarning murojaatlari to' g 'risida"gi o' zbekiston Respublikasi qonuniga muvofiq amalga oshiriladi.

Siz bankka oid murojaatlaringizni quyidagi shakl va turlarda yo‘llashingiz mumkin:

Og‘zaki shaklda (bank ishonch telefoni, bank rahbarlari va mas’ullarining shaxsiy va sayyor qabullari orqali):

Bank ishonch telefoni: 78-150-10-01

 Yozma shaklda (shaxsan yoki vakil orqali) to‘g‘ridan–to‘g‘ri bank rahbari nomiga bevosita yozma murojaat etish orqali):

“Biznesni rivojlantirish banki” pochta manzili: 100011, Toshkent shahar, A.Navoiy ko‘chasi, 18A-uy.

Elektron shaklda:

e-mail: info@brb.uz

exat: brb@exat.uz

Mazmuniga ko‘ra quyidagi turlarda murojaat etishingiz mumkin:

Ariza – huquqlaringizni, erkinliklaringizni va qonuniy manfaatlaringizni amalga oshirishda yordam ko‘rsatish to‘g‘risidagi iltimos bayon etilgan murojaat;

Shikoyat – buzilgan huquqlarni, erkinliklarni tiklash va qonuniy manfaatlarni himoya qilish to‘g‘risidagi talab bayon etilgan murojaat;

Taklif – davlat va jamiyat faoliyatini takomillashtirishga doir tavsiyalarni o‘z ichiga olgan murojaat.

Ariza yoki shikoyat bankka kelib tushgan kundan e’tiboran o‘n besh kundan kechiktirmay, qo‘shimcha o‘rganish va (yoki) tekshirish, qo‘shimcha hujjatlarni so‘rab olish talab etilganda esa bir oygacha bo‘lgan muddatda ko‘rib chiqiladi.

Taklif  bankka kelib tushgan kundan e’tiboran bir oygacha bo‘lgan muddatda ko‘rib chiqiladi.

Murojaat yuzasidan yo‘llanadigan javob xati bank (filial) rahbariyati tomonidan imzolanadi.

Bank yonidan o’tuvchi jamoat transporti yo’nalishlari:

Avtobuslar №44, №46, №68, №91, №115.