"Biznesni rivojlantirish banki" tomonidan Toshkent viloyati Yangiyo‘l tumanida tomorqa yer egalari, dehqon va fermer xo‘jaliklari vakillari, mahalla bankirlari va yordamchi agentlar ishtirokida navbatdagi seminar tashkil etildi. 

"Kichik biznesga ko‘maklashish hududiy markazi" va  "Yangiyo‘l agrostar" kompaniyasi bilan hamkorlikda o‘tkazilgan mazkur seminarda mutaxassislar pomidor, bulg‘or qalampiri va ko‘katlar yetishtirish bo‘yicha maʼruza qilishdi.

Ishtirokchilar mazkur mahsulotlarni yetishtirish, saqlash, qayta ishlash, qadoqlash va tashish bilan bog‘liq innovatsiyalar, yangi texnologiyalar va yondashuvlarni tarqatish va joriy etishni kengaytirish bo‘yicha nazariy va amaliy bilimlarga ega bo‘ldi. 

Bank axborot xizmati