14-yanvar — O‘zbekiston Respublikasi Qurolli Kuchlari tashkil etilgan kun munosabati bilan “Biznesni rivojlantirish banki” ATBda Vatan himoyachilariga bag‘ishlangan tantanali tadbir tashkil etildi.

Tadbir davomida bank jamoasida faoliyat yuritayotgan, o‘zining mardligi, jasorati, fidoyiligi va mas’uliyati bilan ajralib turadigan xodimlar samimiy qutlovlar bilan tantanali kutib olindi.

Ularning mehnat faoliyatida namoyon etayotgan vatanparvarlik fazilatlari, kasbiy sadoqati va jamoa taraqqiyotiga qo‘shayotgan hissasi alohida e’tirof etildi.

Bank rahbariyati tomonidan Vatan himoyachilarini sharaflash, ularning xizmatlarini qadrlash va yoshlarda vatanparvarlik ruhini mustahkamlash muhim ahamiyat kasb etishi ta’kidlandi. Tadbir yakunida xodimlarga ezgu tilaklar bildirilib, tinchlik, barqarorlik va yurt ravnaqi yo‘lida olib borilayotgan fidokorona mehnatlariga muvaffaqiyatlar tilandi.

“Biznesni rivojlantirish banki” ATB jamoasi Vatan himoyachilarini ushbu qutlug‘ sana bilan samimiy muborakbod etib, ularga mustahkam sog‘lik, oilaviy baxt va xizmat faoliyatida yuksak zafarlar tilaydi.

Bank axborot xizmati