Toshkent davlat iqtisodiyot universitetida navbatdagi “Karyera kuni” bo‘lib o‘tdi. Mazkur tadbirda mamlakatimizning yetakchi moliya muassasalaridan biri — “Biznesni rivojlantirish banki” ATB o‘zining maxsus stendi bilan faol ishtirok etdi.

Tadbirning asosiy maqsadi bitiruvchi yoshlarni munosib ish o‘rinlari bilan ta’minlash, iqtidorli talabalarni bank tizimiga jalb qilish va nazariy bilimlarni amaliyot bilan bog‘lashdan iborat bo‘ldi.

Bank mutaxassislari kun davomida talabalar bilan bevosita muloqot qilib, quyidagi imkoniyatlar haqida ma’lumot berishdi:

Bo‘sh ish o‘rinlari: Bankning turli departamentlari va hududiy filiallaridagi mavjud vakansiyalar.

Amaliyot dasturlari: Talabalar uchun o‘qishdan ajralmagan holda tajriba orttirish tizimi.

Karyera lifti: Yosh kadrlar uchun professional o‘sish va malaka oshirish istiqbollari.

Stendga tashrif buyurgan yuzlab talabalar o‘z rezyumelarini topshirishdi va qiziqtirgan savollariga javob olishdi. “Biznesni rivojlantirish banki” yosh mutaxassislarni qo‘llab-quvvatlash va ularning intellektual salohiyatidan samarali foydalanishda davom etadi.

Bank Axborot xizmati