“Biznesni rivojlantirish banki”da 8-mart — Xalqaro xotin-qizlar kuni munosabati bilan bank tizimida faoliyat yuritayotgan xotin-qizlar uchun bayram tadbiri tashkil etildi.

Bayram tongi ko‘tarinki ruhda bank xotin-qizlarini gullar va samimiy tabriklar bilan qarshi olishdan boshlandi. Ularning mehnati va fidoyiligi e’tirof etilib, jamoada iliq va samimiy muhit yaratildi.

Tadbir davomida xotin-qizlar sha’niga bag‘ishlangan quvnoq kuy-qo‘shiqlar yangrab, bayramona kayfiyat yanada yuksaldi. Musiqa sadolari ostida bank jamoasidagi nozik xilqat vakilalari raqsga tushib, tadbirga o‘zgacha shukuh va quvonch bag‘ishladilar.

Mazkur tadbir bank jamoasida xotin-qizlarga bo‘lgan hurmat va ehtiromning, ularning fidokorona mehnati hamda jamiyat rivojidagi muhim o‘rniga berilayotgan yuksak qadriyatning yana bir yorqin ifodasi bo‘ldi.
“Biznesni rivojlantirish banki” jamoasi barcha aziz va mo‘tabar xotin-qizlarni 8-mart — Xalqaro xotin-qizlar kuni bilan samimiy muborakbod etadi hamda ularga mustahkam salomatlik, oilaviy baxt, farovonlik va ish faoliyatlarida ulkan muvaffaqiyatlar tilaydi.