Xizmat sifatini baholang

2025-yil 19-sentabr kuni “Biznesni rivojlantirish banki” ATB tomonidan “Loyihalar va o‘zgarishlarni boshqarish – barqaror boshqaruv tuzilmasini yaratish” mavzusida seminar-trening o‘tkazildi.

Bank va Osiyo taraqqiyot banki hamkorligida tashkil etilgan “Loyihalar va o‘zgarishlarni boshqarish” loyihasi doirasida o‘tkazilgan mazkur tadbirda bank Boshqaruvi rahbariyati, Osiyo taraqqiyot banki mutaxassisi Endryu MakKartni hamda konsultant Masha Malka, o‘zgarishlar ambassadorlari va OAV vakillari ishtirok etdi.

Tadbirda so‘zga chiqqanlar o‘zgarishlar ambassadorlari hamkasblarni ilhomlantirish va birlashtirish mas’uliyatini zimmasiga olgan yetakchilar ekanligini ular Biznesni rivojlantirish bankining qadriyatlari va intilishlari timsoli ekanligini ta’kidladi.

Seminar-treningda ishtirokchilar jamoaviy ishlash, uzoq muddatli qarashlarning ahamiyati, liderlik ko‘nikmalarini rivojlantirish kabi mavzularda ma’ruzalar tingladilar hamda jamoaviy interaktiv o‘yinlarda qatnashdi.

Ushbu tadbir nafaqat bank xodimlari uchun yangi bilim va ko‘nikmalar manbai bo‘lib xizmat qildi, balki mamlakatimiz moliya sektorida zamonaviy boshqaruv mexanizmlarini joriy etishda ham muhim qadamlardan biri bo‘ldi.

“Loyihalar va o‘zgarishlarni boshqarish” loyihasi bank faoliyatining barcha bo‘g‘inlarida tizimli va samarali yondashuvlarni joriy qilish, barqaror boshqaruv tuzilmasini shakllantirish, jamoada innovatsion fikrlashni rivojlantirish hamda xalqaro tajribani o‘zlashtirish orqali nafaqat bank, balki umuman respublikamiz moliya bozorining ham taraqqiyotiga katta hissa qo‘shadi.

Bank Axborot xizmati