Xizmat sifatini baholang

21-oktabr – O‘zbek tili kuni munosabati bilan “Biznesni rivojlantirish banki” aksiyadorlik tijorat bankining Andijon Bank xizmatlari ofisida ma’naviy-ma’rifiy tadbir bo‘lib o‘tdi.

Tadbirda O‘zbekiston xalq shoiri Usmon Azim ishtirok etib, Ona tilimizning davlat tili maqomiga erishish tarixi, uning jamiyat hayotidagi o‘rni va ahamiyati xususida o‘z fikr-mulohazalarini bildirdi. Shoir o‘zbek tili xalqimizning bebaho ma’naviy merosi va milliy g‘ururining ifodasi ekanini ta’kidladi.

Shuningdek, tadbir davomida O‘zbekiston Respublikasi Prezidentining 2025-yil 20-oktabrdagi “Davlat tilini yanada rivojlantirishga oid qo‘shimcha chora-tadbirlar to‘g‘risida”gi qarori mazmun-mohiyati xodimlarga batafsil tushuntirildi.

Mazkur ma’naviy-ma’rifiy uchrashuv xodimlarda ona tiliga hurmat va e’tibor tuyg‘usini yanada mustahkamlash, davlat tilida ish yuritish madaniyatini oshirishga xizmat qildi.

Bank axborot xizmati