“Biznesni rivojlantirish banki” ATB milliy qadriyatlar va an’analarni targ‘ib qilishga qaratilgan “Milliy libos – millat iftixori” chellenjini izchil davom ettirmoqda.

Navbatdagi tashabbus doirasida Bankning Qoraqalpog‘iston Respublikasi hududiy boshqarmasi hamda Nukus bank xizmatlari ofisi xodimlari milliy liboslarda o‘zining yagonaligi, madaniy merosi va o‘ziga xos an’analarini namoyish etdilar.

Mazkur chellenj xodimlarda milliy g‘urur va o‘zlikni anglash tuyg‘usini mustahkamlash, shuningdek, bank jamoasida ijobiy ma’naviy muhit yaratishga xizmat qilmoqda. Tadbir davomida milliy kiyimlarning tarixiy o‘rni, ularning hududlar bo‘yicha turfa xil ko‘rinishlari hamda milliy madaniyatdagi ahamiyati haqida ma’lumotlar berildi.

“Biznesni rivojlantirish banki” ATB tomonidan tashkil etilayotgan ushbu tashabbus yurtimizning boy madaniy merosini asrash, qadrlash va targ‘ib etishga qaratilgan keng qamrovli ma’naviy-ma’rifiy loyihalar tizimining yana bir muhim qismidir.

Bank axborot xizmati