Milliy qadriyatlar va anʼanalarni asrab-avaylash, ularni keng targ‘ib etish maqsadida “Biznesni rivojlantirish banki” ATB tomonidan “Milliy libos – millat iftixori” chellenji izchil davom ettirilmoqda.

Mazkur chellenj doirasida bank xodimlari milliy liboslarda ishtirok etib, o‘zbek xalqining boy madaniy merosi, urf-odatlari va milliy o‘zligiga bo‘lgan hurmat-eʼtiborini namoyon etmoqdalar.

Bugungi chellenj “Biznesni rivojlantirish banki” ATBning Nurafshon bank xizmatlari ofisida tashkil etildi. Tadbir davomida xodimlar milliy liboslar orqali milliy qadriyatlarimizni ulug‘lash, yosh avlod qalbida milliy g‘urur va iftixor tuyg‘ularini mustahkamlashga o‘z hissalarini qo‘shdilar.

“Biznesni rivojlantirish banki” ATB kelgusida ham milliy anʼanalarimizni targ‘ib etishga qaratilgan bunday ezgu tashabbuslarni qo‘llab-quvvatlashda davom etadi.

Bank axborot xizmati