Xizmat sifatini baholang

Milliy qadriyatlarni asrab-avaylash va ulug‘lash maqsadida “Biznesni rivojlantirish banki” ATB tomonidan tashkil etilgan “Milliy libos – millat iftixori” chellenji izchil davom etmoqda.

Navbatdagi tashabbus tadbiri Jarqo‘rg‘on bank xizmatlari markazida o‘tkazildi. Unda bank xodimlari milliy liboslarda faol ishtirok etib, milliy urf-odat va qadriyatlarni namoyish etdilar.

Mazkur chellenj nafaqat xodimlar kayfiyatiga ijobiy ta’sir ko‘rsatmoqda, balki milliy o‘zligimizni e’zozlash, yoshlar ongida an’analarimizni qadrlash g‘oyasini keng targ‘ib etishda muhim ahamiyat kasb etmoqda.

“Biznesni rivojlantirish banki” ushbu tashabbus orqali milliy liboslarni zamonaviy hayotga uyg‘unlashtirish, ularni nafaqat madaniy meros sifatida, balki kundalik hayotimizning ajralmas qismi sifatida targ‘ib etishni maqsad qilgan.

Bank tomonidan chellenj doirasidagi tadbirlar bosqichma-bosqich boshqa hududiy filiallarda ham davom ettiriladi.

Bank axborot xizmati