Xizmat sifatini baholang

Joriy yilning 6-sentabr kuni "Biznesni rivojlantirish banki" tomonidan "BRB-Zakovat" intellektual oʻyinining 6-turi Qashqadaryo viloyatining Miraki qishlogʻida oʻtkazildi.

Musobaqada xodimlar oʻzlarining bilimlari, zukkoligi va tezkorligini namoyish etdilar. "BRB-Zakovat"ning har bir ishtirokchisi jamoaviy ruh va oʻzaro hurmat muhitida bilim olish va tajriba almashish imkoniyatiga ega boʻldi.

"BRB-Zakovat" intellektual oʻyini "Biznesni rivojlantirish banki"ning korporativ madaniyatini rivojlantirish va xodimlarning kasbiy malakasini oshirishga qaratilgan keng koʻlamli dasturning bir qismidir.

"BRB-Zakovat" – bu nafaqat oʻyin, balki BRB xodimlari uchun quyidagi imkoniyatlarni yaratuvchi platformadir.

•  Yangi bilimlar olish va mavjudlarini mustahkamlash;

•  Mantiqiy va tahliliy fikrlash qobiliyatini rivojlantirish;

•  Jamoada ishlash koʻnikmalarini shakllantirish;

•  Ijodiy va innovatsion gʻoyalarni ilgari surish.

"Biznesni rivojlantirish banki" xodimlarining doimiy ravishda oʻz ustida ishlashi va intellektual salohiyatini rivojlantirishiga katta ahamiyat qaratadi.

"BRB-Zakovat" – bu ushbu maqsadga erishishning samarali vositasi. Bank rahbariyati kelgusida ham bunday tadbirlarni oʻtkazishda davom etadi.

Bank axborot xizmati