"Biznesni rivojlantirish banki" oʻz xodimlarining intellektual salohiyatini yuksaltirish, ularning bilim va koʻnikmalarini oshirish maqsadida tashkil etilgan BRB Zakovat intellektual oʻyinining 4-bosqichi Fargʻona viloyatida boʻlib oʻtdi.
Intellektual musobaqa bank xodimlari oʻrtasida bilimlarni targʻib qilish, mantiqiy fikrlashni rivojlantirish, jamoaviy ish uquvini mustahkamlash va doʻstona muhitni yaratishga qaratilgan.
Fargʻona viloyatida oʻtkazilgan 4-bosqichda bankning turli boʻlimlaridan kelgan xodimlar oʻz bilimlarini sinovdan oʻtkazdilar. Musobaqa savol-javob shaklida tashkil etilib, ishtirokchilar turli sohalarga oid savollarga javob berish orqali oʻz bilimdonliklarini namoyon etdilar.
Tadbir davomida ishtirokchilar nafaqat bilimlarini koʻrsatish, balki jamoada ishlash, tezkor qaror qabul qilish va mantiqiy fikrlash qobiliyatlarini ham rivojlantirish imkoniyatiga ega boʻldilar. Musobaqa doʻstona muhitda, hayajonli va qiziqarli tarzda oʻtdi, bu esa xodimlarning oʻzaro munosabatlarini yanada mustahkamladi.
– Bu kabi intellektual oʻyinlar bizning bilimlarimizni mustahkamlash va jamoamiz bilan yanada yaqinroq boʻlish uchun ajoyib imkoniyatdir, – deydi Bank yetakchi menejeri Akrom Axmedov.
BRB Zakovat intellektual oʻyini "Biznesni rivojlantirish banki"ning xodimlar salohiyatini oshirishga qaratilgan doimiy loyihasidir. Bank kelgusida ham bu kabi tadbirlarni oʻtkazish va xodimlarning intellektual rivojlanishini qoʻllab-quvvatlashda davom etadi.
Bank axborot xizmati
Eng soʻnggi yangilanishlar, tushunchalar va bank maslahatlarini oling.
Formani to‘ldirganingiz uchun tashakkur, agentimiz yaqinda siz bilan bog‘lanadi.
