Assalomu alaykum, aziz opa-singillar!

“Biznesni rivojlantirish banki” Boshqaruvi va o‘z nomimdan barchangizni 8-mart - Xalqaro xotin-qizlar kuni bilan samimiy tabriklayman.

Bugun  bankimiz tizimida  respublika bo‘yicha 1041 nafar xotin-qiz faoliyat  yuritmoqda. Erishayotgan kattadir-kichikdir har bir moliyaviy natijalarda, yutuqlarimizda, shubhasiz, Siz - opa-singillarimizning beqiyos hissangiz bor!

Bankimizda tashkil etilgan “Nafis  ayollar klubi”, Ayollar kengashi va boshqa qator loyihalar  orqali  ayollarimizni har tomonlama qo‘llab-quvvatlashga intilmoqdamiz. Bu boradagi ishlar ko‘lamini kelajakda yanada kengaytirish niyatidamiz.

Fursatdan foydalanib yana bir bor  qutlab, har  biringizga  fidoyiligingiz, halolligingiz, ishga professional yondoshuvingiz uchun alohida  minnatdorchilik bildiraman.

Barchangizga baxt-saodat, mustahkam sog‘liq, oilaviy xotirjamlik tilayman.

Bayramingiz muborak bo‘lsin, aziz ayollar!

Hurmat va ehtirom bilan,

Saxi Annaklichev,
Boshqaruv raisi