Joriy yilning 30-aprel kuni Telegram ijtimoiy tarmogʻidagi kanallardan birida bankning Andijon viloyatdagi ofisi rahbariyati faoliyati yuzasidan tanqidiy murojaat eʼlon qilindi.

Unda xodimlarning ish vaqtidan soʻng - soat 23:00 dan 01:00 gacha majlislarga chaqirilayotgani, bu esa ularning sogʻligʻi va oilaviy hayotiga salbiy taʼsir koʻrsatayotgani bayon etilgan.

Mazkur murojaat bankning Inson resurslarini boshqarish (HR) departamenti tomonidan oʻrganib chiqildi. Xodimlardan tushgan maʼlumotlar va videokuzatuv kameralarida qayd etilgan holatlar asosida 2025-yil 21, 22, 23 va 29-aprel kunlari ayrim xodimlar soat 23:00 dan keyin ham bank binosida boʻlgani aniqlangan. Bu holat murojaatda koʻtarilgan noroziliklarning maʼlum darajada asosli ekanini tasdiqlaydi. Shunga asosan mazkur holatlar atroflicha  oʻrganilmoqda.

Oʻrganish boʻyicha yakuniy xulosalarga koʻra, mehnat qonunchiligi buzilishiga yoʻl qoʻygan masʼullarga nisbatan qonunchilikda belgilangan tartibda choralar koʻrilishini maʼlum qilamiz.