Xizmat sifatini baholang

Shu yilning 9-avgust kuni Telegram ijtimoiy tarmog‘ida “Bankomatdan yirtiq pul chiqdi. Uni qayerda ishlatsam bo’ladi?” sarlavhasi bilan murojaat e’lon qilindi. Unda Marg‘ilon bank xizmatlari ofisiga qarashli bankomatdan yirtiq pul chiqqani bildirilgan. 

Mazkur holat yuzasidan quyidagilarni ma’lum qilamiz:

Mazkur holat boʻyicha ichki oʻrganish oʻtkazildi va aybdor xodimlarga nisbatan qonunchilikda belgilangan tartibda intizomiy chora koʻrildi. 

Bank Boshqaruvi rahbariyati tomonidan tegishli tarkibiy tuzilmalarga kelgusida bu kabi holatlar takrorlanishining oldini olish boʻyicha zarur topshiriq va ko‘rsatmalar berildi.

Bank rahbariyati keltirilgan noqulaylik uchun mijozdan uzr soʻraydi hamda 100 ming soʻmlik yirtilgan banknotani bankning istalgan shoxobchasida almashtirib berish majburiyatini oladi.