Xizmat sifatini baholang

Joriy yilning 7-yanvar kuni “Facebook” ijtimoiy tarmog‘ida bankning Qarshi shahar BXO mijozi tomonida murojaat joylashtirildi. Unda bankdan olingan ipoteka krediti to‘liq so‘ndidirlgan bo‘lishiga qaramasdan, “Biznesni rivojlantirish banki” ATB tomonidan mulk taqiqdan chiqarilmayotgani iddao qilingan.

Mazkur holat bo‘yicha quyidagilarni ma’lum qilamiz:

Fuqaro Karomov Shavkat joriy yilning 7-yanvar kuni soat 10.30 larda “Biznesni rivojlantirish banki” АTB Qarshi BXOga kelib, turmush urtogi Turdieva Аdolat nomiga ajratilgan ipoteka kreditini to‘liq so‘ndirgan.

Shundan so‘ng kredit ta’minoti sifatida garovga olingan mulkni taqiqdan yechishni so‘ragan. Qarshi BXO tomonidan taqiqdan yechish yuzasidan imzolangan xat soat 18.00 atrofida Bosh bankka yuborilgan va “Garov reestri” bazasidan soat 18.57da taqiqdan yechilgan.

Bank axborot xizmati