Xizmat sifatini baholang

“Biznesni rivojlantirish banki” ATB tizimida samaradorlikni oshirish, xodimlarning mehnati va natijadorligi asosida haq toʻlash maqsadida, Boshqaruvning may oyidagi tegishli qaroriga asosan bank tizimidagi mehnatga haq toʻlash tizimi (strukturasi), yaʼni xodimning ish haqi miqdori kamaytirilmagan holda oʻzgarmas va oʻzgaruvchan ish haqlari (KPI) nisbatlari qayta koʻrib chiqilganligini maʼlum qilamiz.

Bunda, oʻzgaruvchan ish haqi (KPI) xodimning mijozlarga xizmat koʻrsatish sifati, bank mahsulotlarini sotish darajasi hamda samaradorlik koʻrsatkichlari asosida toʻlanishi belgilangan.

Shuningdek, xodimning yuqorida keltirilgan samaradorligidan kelib chiqib, oldingi ish haqi miqdoridan koʻproq ish haqi olish imkoniyati yaratilgan.

Hozirda “Biznesni rivojlantirish banki” ATB xodimlariga haq toʻlash shunday asosga koʻra amalga oshirilmoqda.

Ijtimoiy tarmoqlarda tarqatilgan xabarlarda bildirilgan - bank Boshqaruvi rahbariyati topshirigʻiga koʻra xodimlarning oylik ish haqi atayin kamaytirilganligi haqidagi axborot asossiz va notoʻgʻri ekanligini bildiramiz.