Xizmat sifatini baholang

“Biznesni rivojlantirish banki” ATB va O‘zbekiston Mahallalar uyushmasi hamkorligida O‘zbekiston Respublikasi Mustaqilligining 33 yilligiga bag‘ishlab o‘tkazilayotgan “Mahalla taraqqiyoti uchun eng yaxshi biznes loyiha” Respublika ko‘rik-tanlovining hududiy bosqichlari bo‘lib o‘tmoqda.

2024-yil 7-avgust kuni Toshkent shahrida ko‘rik-tanlovning viloyat bosqichi g‘olib va sovrindorlarini taqdirlash marosimi o‘tkazildi.

Tanlovning viloyat bosqichida tuman va shaharlardan jami 101 nafar tadbirkorlik subyektlari o‘zlarining biznes loyihalari bilan qatnashdi. Ular orasidan belgilangan baholash mezonlari asosida 1, 2, va 3-o‘rinlarga munosiblar aniqlandi.

“ELIME” mas’uliyati cheklangan jamiyati 1-o‘rinni;

“AZAMATOV PIRMAXAMAT” mas’uliyati cheklangan jamiyati 2-o‘rinni;

“YUNIY GENIY” mas’uliyati cheklangan jamiyati 3-o‘rinni qo‘lga kiritib sertifikat hamda esdalik sovg‘alari bilan taqdirlandi.

Bank axborot xizmati