Joriy yilning 21-may kuni “Biznesni rivojlantirish banki” ATB rahbariyati boshchiligida Ishchi guruh tomonidan Toshkent viloyati Yangiyo‘l shahrida faoliyat yurituvchi tadbirkorlar bilan ochiq muloqot tashkil etildi.

Uchrashuv davomida hududda tadbirkorlik faoliyatini rivojlantirish yangi ish o‘rinlarini yaratish, aholi bandligini ta’minlash hamda istiqbolli loyihalarni qo‘llab-quvvatlash masalalari muhokama qilindi.

Shuningdek, tadbir ishtirokchilariga bank xizmatlari, imtiyozli kredit dasturlari, tadbirkorlik loyihalarini moliyalashtirish imkoniyatlari hamda zamonaviy raqamli bank xizmatlari haqida batafsil ma’lumotlar berildi.

Muloqot jarayonida tadbirkorlarning murojaat va takliflari tinglanib, mavjud masalalarni tezkor va samarali hal etish bo‘yicha tegishli choralar belgilandi. O‘z navbatida, bir nechta tadbirkorlarning  murojaati joyida ijobiy hal etildi.

Biznesni rivojlantirish banki – tadbirkorlarni ishonchini qozanadigan va ularni faoliyatini ko‘maklashadigan, tayanadigan  bankdir.