2026-yil 19–20-may kunlari Toshkent shahrida bank, fintech, AI va davlat sektorining raqamli transformatsiyasiga bag‘ishlangan “PLUS-Forum Digital Uzbekistan 2026” xalqaro forumi bo‘lib o‘tdi.

Mazkur forumda “Biznesni rivojlantirish banki” ATBning texnologik hamkori va raqamli transformatsiya yo‘nalishidagi kompaniyasi — BRB-TECH o‘zining alohida stendi bilan ishtirok etdi hamda forumning Bronze Partner’laridan biri sifatida qatnashdi.

Forum davomida BRB-TECH tomonidan ishlab chiqilgan fintech, AI va enterprise yo‘nalishidagi zamonaviy raqamli mahsulotlar va platformalar namoyish etildi. Jumladan:

-  "Biznes 24/7" raqamli masofaviy bank platformasi
-  "Kredit monitoring tizimi"
-  "Mening Tomorqam" agroplatformasi va "Yerim" agro-boti
 - HRM va E-Muhr tizimlari
-  "BRB-TECH Academy" Sun'iy intellekt va IT ta’lim platformasi
 - AI yordamchi (avatar)
-  RPA (robotizatsiya) loyihalari

Shuningdek, forum doirasida kompaniya hamkorlari bilan birgalikda robotizatsiya va sun’iy intellekt texnologiyalariga oid yangi loyihalar ham taqdim etildi. Tashrif buyuruvchilarga kompaniya haqida ma’lumot beruvchi AI-avatar texnologiyasi namoyish qilinib, forum mehmonlarida katta qiziqish uyg‘otdi.
Tadbir davomida BRB-TECH jamoasi xalqaro kompaniyalar, banklar, fintech tashkilotlari va texnologik hamkorlar bilan qator uchrashuvlar o‘tkazib, yangi hamkorlik yo‘nalishlarini muhokama qildi.

BRB-TECH bugungi kunda bank va davlat sektori uchun innovatsion raqamli yechimlarni ishlab chiqish, sun’iy intellekt texnologiyalarini joriy etish hamda raqamli transformatsiya jarayonlarini jadallashtirish yo‘nalishida faoliyat olib bormoqda.