“Milliy libos – millat iftixori” chellenji “Biznesni rivojlantirish banki” ATB Samarqand bank xizmatlari ofisida davom etmoqda.
"Biznesni rivojlantirish banki" aksiyadorlik tijorat banki tomonidan milliy qadriyatlarni targ‘ib qilish, xodimlar o‘rtasida ma’naviy muhitni mustahkamlash va milliy o‘zligimizni ulug‘lash maqsadida yo‘lga qo‘yilgan “Milliy libos – millat iftixori” chellenji izchil davom etmoqda.
Tadbirning navbatdagi manzili – bankning Samarqand bank xizmatlari ofisi bo‘lib, ushbu jamoa xodimlari bugun ish jarayoniga milliy liboslarda tashrif buyurib, o‘zbek milliy an’analariga bo‘lgan hurmat-e’tiborini yana bir bor namoyon etdi.
Chellenj doirasida xodimlar tomonidan turli milliy kiyimlar – atlas va adras liboslari, do‘ppi, kamzul, milliy bezakli aksessuarlar namoyish etilib, milliy madaniyatning rang-barangligi targ‘ib qilindi. Tadbir davomida jamoa a’zolari bir-biriga milliy liboslar tarixi, ularning hududiy xususiyatlari va zamonaviy modadagi o‘rni haqida ma’lumotlar ham ulashdilar.
"Biznesni rivojlantirish banki" ATBda milliy libos kunini o‘tkazishdan ko‘zlangan asosiy maqsad — xodimlar orasida milliy o‘zlikni mustahkamlash, ma’naviy birlikni kuchaytirish va milliy qadriyatlarni keng targ‘ib qilishdir.
Eng soʻnggi yangilanishlar, tushunchalar va bank maslahatlarini oling.
Formani to‘ldirganingiz uchun tashakkur, agentimiz yaqinda siz bilan bog‘lanadi.
