Xizmat sifatini baholang

O‘RQ-1043-sonli qonun bilan “Kredit axboroti almashinuvi to‘g‘risida”gi qonunga muhim o‘zgartirish va qo‘shimchalar kiritildi.

Eng muhim yangiliklar:

Endi har bir jismoniy shaxs o‘z nomiga uning roziligisiz kredit rasmiylashtirilishining oldini olish uchun kredit bitimini taqiqlash haqida ariza berishi mumkin.

Ariza:

Yagona interaktiv davlat xizmatlari portali orqali (elektron),

Davlat xizmatlari markazlari,

Yoki kredit byurosiga murojaat qilish orqali (yozma yoki elektron) beriladi.

Yangi reyestr:

Ariza asosida fuqaro “Kredit bitimi tuzishi taqiqlangan shaxslar reyestri”ga kiritiladi. Bu reyestrni kredit byurolari yuritadi.

Banklar uchun javobgarlik:

Bank, mikromoliya tashkiloti yoki nobank kredit tashkiloti mazkur reyestrdan maʼlumot olmasdan fuqaro ishtirokisiz kredit bersa, o‘zi javobgar bo‘ladi.