Xizmat sifatini baholang

Joriy yil 16-17-may kunlari Jizzax viloyatida ayollar tadbirkorligini rivojlantirish boʻyicha Savdo-sanoat palatasi huzuridagi Tadbirkor ayollar kengashi, “Biznesni rivojlantirish banki” ATB va boshqa aloqador tashkilotlar hamkorligida sayyor qabul tashkil etildi.

Xususan, sayyor qabulda bankning Xotin-qizlar tadbirkorligini qoʻllab quvvatlash boʻyicha departament direktori oʻrinbosari Zulfiya Saburova va Jizzax viloyati BXM vakillari ishtirok etdi.

Unda 40 dan ortiq muammo va takliflar tinglandi. Jumladan, bank kreditlaridan foydalanish, infratuzilmaviy masalalar va soliq tizimidagi muammolar koʻtarildi.

Bildirilgan murojaatlar yuzasidan “Biznesnirivojlantirish banki” ATB yoʻnalishi bilan bogʻliq masala va muammolarga belgilangan tartibda javoblar berildi.

Alohida oʻrganish talab etiladigan masalalarga yechib berish uchun mutasaddilarga tegishli topshiriqlar berildi.

 Bank axborot xizmati