Joriy yilning 7-oktabr kuni Andijon viloyati Izboskan tumanida “Biznesni rivojlantirish banki” ATBning yangi bank xizmatlari markazi oʻz faoliyatini boshladi. Yangi markaz Izboskan tumani, B.Naqshbandiy koʻchasi, 3-uy manzilida joylashgan.

Yangi markazning tashkil etilishi hudud aholisi va tadbirkorlik subyektlariga bank xizmatlaridan yanada qulay va tezkor foydalanish imkoniyatini yaratish, shuningdek, moliyaviy xizmatlar qamrovini kengaytirish yoʻlidagi muhim qadamlardan biridir.

Bank xizmatlari markazida jismoniy va yuridik shaxslarga zamonaviy bank xizmatlarining keng turi koʻrsatiladi. Xususan, mijozlar:

• omonat va kredit mahsulotlarini rasmiylashtirish;

• toʻlovlar va pul oʻtkazmalarini amalga oshirish;

• bank hisobvaraqlarini ochish va ularga xizmat koʻrsatish;

• tadbirkorlik subyektlari uchun biznes loyihalarini moliyalashtirish;

• tadbirkorlik faoliyatini rivojlantirishga qaratilgan moliyaviy xizmatlardan foydalanish;

• boshqa zamonaviy bank xizmatlaridan foydalanish imkoniyatiga ega boʻladilar.

Markazning ishga tushirilishi, ayniqsa, Izboskan tumanida tadbirkorlik subyektlarining moliyaviy resurslarga boʻlgan ehtiyojini qondirish, yangi biznes tashabbuslarini qoʻllab-quvvatlash va aholiga sifatli bank xizmatlarini yanada yaqinlashtirishga xizmat qiladi.

Qayd etish lozimki, “Biznesni rivojlantirish banki” ATB hududlarda bank xizmatlari infratuzilmasini izchil kengaytirish, mijozlar uchun qulayliklarni oshirish hamda tadbirkorlik subyektlarini moliyaviy qoʻllab-quvvatlashga alohida eʼtibor qaratmoqda.

Ushbu bank xizmatlari markazi ham tuman aholisi va tadbirkorlariga yanada yaqin boʻlish, ular uchun yangi imkoniyatlar yaratayotish imkonini beradi.