Xizmat sifatini baholang

“Biznesni rivojlantirish banki” ATB xodimlari o‘rtasida “BRB Zakovat” intellektual o‘yinlarining 3-bosqichi Namangan viloyati Davlatobod tumanidagi “Yangi O‘zbekiston – yoshlar ziyo maskani”da bo‘lib o‘tdi.

Mazkur bellashuvda respublikamizning barcha hududlaridan saralangan bilimli, zukko va tashabbuskor bank xodimlari ishtirok etdi. Intellektual musobaqa doirasida ishtirokchilar o‘zlarining bilim va tafakkur salohiyatini namoyish etib, mantiqiy fikrlash, tezkor qaror qabul qilish va jamoaviy hamjihatlik borasida kuch sinashdi.

O‘yinni mashhur intellektual loyiha — “Zakovat” NNT prezidenti Abdurasul Abdullayev olib bordi.

64-Xalqaro Gullar festivali doirasida ilk bor tashkil etilgan ushbu intellektual musobaqa festival dasturiga yangi mazmun va ruh bag‘ishladi. Bu nafaqat estetik go‘zallik, balki aql va tafakkur charxlanishining ramziga aylandi.

“BRB Zakovat” loyihasi “Biznesni rivojlantirish banki” ATB tizimida xodimlarning intellektual salohiyatini oshirish, sog‘lom raqobat muhiti yaratish va do‘stona korporativ madaniyatni shakllantirish uchun xizmat qilmoqda.

Bank axborot xizmati