Xizmat sifatini baholang

Yangi 2025-yil arafasida Biznesni rivojlantirish banki do‘stlari yana bir davrada. BRB do‘stlari loyihasi doirasida jam bo‘lgan bu davrada hech kim bir-biriga begona emas.

Har yili o‘tkazilib kelinadigan mazkur pozitiv va ijodiy tadbir bankning jamoatchilik bilan doimiy muloqot platformasi hisoblanadi.

Unda bank faoliyatiga oid axborotlar bilan o‘rtoqlashiladi, ishtirokchi mehmonlarning taklif va tavsiyalari bankning istiqbol rejalariga kiritiladi.

Samimiy, quvnoq va albatta, Yangi yil kayfiyati hukmron bo‘lgan bu galgi uchrashuv ham har doimgidek rasmiy mulozamatlarsiz erkin va ijodiy formatda o‘tdi.

Bank rahbariyati, jurnalistlar, blogerlar va jamoatchilik vakillari ishtirokida o'tgan tadbirda 2024-yilgi faoliyat natijalari va yangi loyihalar haqida taqdimotlar bo‘lib o‘tdi.

Shuningdek, ushbu ochiq muloqot maydonida bank faoliyati va uni takomillashtirish, mijozlar uchun yangi imkoniyatlar va qulayliklar yaratishga oid fikr-mulohazalar muhokama qilindi.

Bularning barchasi “Inson qadri va manfaati uchun!”

Bank axborot xizmati!