Norqulov Ilhom Ibroximovich 20 yildan ortiq moliyaviy tahlil, pul-kredit siyosati va iqtisodiy rivojlanish sohalarida tajribaga ega bo‘lgan mohir iqtisodiy siyosatchi bo‘lib, Buyuk Britaniyaning Glazgo universitetida xalqaro iqtisodiy munosabatlar va iqtisodiy rivojlanish yo‘nalishi bo‘yicha magistrlik darajasi unvoni bilan mukofotlangan.

Ilhom Ibroximovich Markaziy bank raisi o‘rinbosari va Pul-kredit siyosati departamenti direktori kabi muhim rahbarlik lavozimlarida ishlagan. Rus va ingliz tillarini mukammal biladi. Pul-kredit siyosati islohotlariga rahbarlik qilish, kambag‘allikni qisqartirish dasturlarini amalga oshirish hamda barqaror iqtisodiy o‘sish va xalqaro hamkorlikni rivojlantirish uchun moliyaviy tizimlarni zamonaviylashtirish bo‘yicha o‘zining samarali faoliyatini namoyon etib kelmoqda. Hozirda Ilhom Ibroximovich O‘zbekiston Respublikasi Iqtisodiyot va moliya vazirining birinchi o‘rinbosari hamda "Biznesni rivojlantirish banki" ATB Kuzatuv kengashi raisi lavozimlarida o‘z faoliyatlarini davom ettirib kelmoqda.

Xusanov Timur Nuritdinovich iqtisodiy siyosat va biznesni rivojlantirish sohasida tajribali rahbar bo‘lib, hozirda O‘zbekiston Respublikasi Iqtisodiyot va moliya vazirligining Kichik va o‘rta biznesni rivojlantirish bo‘yicha davlat siyosatini tahlil qilish, qo‘llab-quvvatlash va muvofiqlashtirish departamenti direktori lavozimida faoliyat yuritmoqda. Moskva po‘lat va qotishmalar institutida metallurgiya muhandisligi hamda O‘zbekiston Respublikasi Prezidenti huzuridagi Davlat boshqaruvi akademiyasida davlat boshqaruvi yo‘nalishi bo‘yicha ta’lim olgan Xusanov, turli davlat vazirliklarida xalqaro reytinglar, ishbilarmonlik muhitini yaxshilash va tadbirkorlikni rivojlantirish bo‘yicha muhim lavozimlarda faoliyat yuritgan. Shuningdek, "Biznesni rivojlantirish banki" ATBning Kuzatuv kengashi a’zosi hisoblanadi.

Ibraximjanova Zumrat Amanbayevna 1972-yil 21-fevralda Qirg‘izistonning O‘sh shahrida tug‘ilgan, O‘zbekiston Respublikasi fuqarosi. Oliy ma’lumotli, 1993-yilda Samarqand kooperativ institutini, 2004-yilda Toshkent moliya institutini tamomlagan. Uning mutaxassisligi iqtisodiyot va loyihalarni moliyalashtirish yo‘nalishlarini qamrab oladi.

Ibraximjanova Zumrat Amanbayevna loyihalarni moliyalashtirish va iqtisodiyotni rivojlantirish sohasida katta tajribaga ega bo‘lgan yetuk moliyachi bo‘lib, hozirda O‘zbekiston Respublikasi Tiklanish va taraqqiyot jamg‘armasining Investitsiya loyihalarini ekspertiza qilish departamenti boshlig‘i hamda "Biznesni rivojlantirish banki" ATB Kuzatuv kengashi a’zosi sifatida o‘z faoliyatini samarali yuritib kelmoqda.

Yusupxodjayev Mansurxodja Asadovich 1982-yil 7-avgustda Toshkent shahrida tug‘ilgan, millati o‘zbek. Oliy ma’lumotli bo‘lib, 2003-yilda Toshkent davlat texnika universitetini, 2005-yilda I.M. Gubkin nomidagi Rossiya davlat neft va gaz universitetining magistraturasini hamda 2009-yilda shu universitetning aspiranturasini tamomlagan. Uning mutaxassisligi neft-gaz muhandisligi va neft-gaz konlarini ekspluatatsiya qilishni o‘z ichiga oladi.

Yusupxodjayev Mansurxodja Asadovich neft-gaz sanoati va investitsiya loyihalari ekspertizasi sohasida tajribali mutaxassis bo‘lib, hozirda O‘zbekiston Respublikasi Tiklanish va taraqqiyot jamg‘armasi Ijro etuvchi direksiyasining Investitsiya loyihalari ekspertizasi departamenti tarkibidagi Metallurgiya sanoati va muhandislik loyihalari ekspertizasi bo‘limi boshlig‘i lavozimida faoliyat yuritmoqda. Shuningdek, "Biznes rivojlantirish banki" ATB Kuzatuv kengashi a’zosi hamdir.

Xodjayev Saidkamol Saidkarimovich 1979-yil 7-iyunda Toshkentda tug‘ilgan, O‘zbekiston Respublikasi fuqarosi. Toshkent moliya institutida "Bank ishi" yo‘nalishi bo‘yicha bakalavr darajasini (2003), O‘zbekiston Respublikasi Prezidenti huzuridagi Davlat boshqaruvi akademiyasida "Xalqaro iqtisodiy munosabatlar" yo‘nalishi bo‘yicha magistr darajasini (2007) olgan. O‘zbekiston moliya sektorida keng tajribaga ega bo‘lgan malakali bank va moliya mutaxassisidir.

Saidkamol Saidkarimovich o‘z faoliyati davomida quyidagi muhim rahbarlik lavozimlarida ishlagan:

2016 – 2017. O‘zbekiston Respublikasi Markaziy Banki Raisining birinchi o‘rinbosari

2017 – 2018. “Agrobank” ATB Boshqaruv raisi

2018 – 2020. O‘zbekiston Respublikasi Qishloq xo‘jaligi vazirining o‘rinbosari

Hozirda "Biznesni rivojlantirish banki" ATB Kuzatuv kengashining mustaqil a’zosi sifatida o‘z faoliyatini samarali yuritib kelmoqda.

R. Engin Akchakocha tijorat bankchiligida 27 yildan ortiq tajribaga ega bo‘lgan nufuzli bank va moliya mutaxassisidir. U 2001-yildan boshlab Turkiyaning Banklarni tartibga solish va nazorat qilish agentligi hamda Omonatlarni sug‘urtalash jamg‘armasi raisi va bosh direktori lavozimlarida faoliyat yuritgan. Shuningdek, xalqaro moliya tashkilotlari nomidan turli mamlakatlarning Markaziy banklari va bank nazorati organlariga texnik yordam ko‘rsatgan.  Turkiyaning Anqara shahridagi O‘rta Sharq texnika universitetida biznes boshqaruvi bo‘yicha bakalavr darajasini olgan.

Xalqaro faoliyat: Engin bir qator mamlakatlardagi turli Markaziy banklar va moliya muassasalariga banklarni tartibga solish, kapitallashuv jarayonlari va muammoli banklarni hal qilish bo‘yicha maslahat xizmatlarini ko‘rsatgan, jumladan Nigeriya, Gana va Iroq Markaziy banklari bilan hamkorlik qilgan.

Asosiy ko‘nikmalar:

·        Bank faoliyatini tartibga solish va nazorat qilish bo‘yicha keng qamrovli tajriba

·        Moliyaviy muassasalarda strategik rahbarlik

·        Rivojlanayotgan bozorlarga iqitsodiy yordam ko‘rsatishda malakali maslahatchi.

Engin Akchakocha bank sektoriga qo‘shgan hissasi va turli mintaqalarda moliyaviy barqarorlik hamda tartibga solishni takomillashtirishga bo‘lgan sadoqati uchun tan olingan. Hozirda, "Biznes rivojlantirish banki" ATB Kuzatuv kengashining mustaqil a’zosi sifatida o‘z faoliyatini samarali yuritib kelmoqda.

Mantas Shukyavichyus oldingi ijroiya tajribaga ega professional direktorlar kengashi a’zosi/raisi. Boshqaruv portfeli moliya, investitsiya, energetika, logistika va tabiiy resurslar sohalarida faoliyat yurituvchi kompaniyalardan iborat. Kuchli xalqaro bank va risk boshqaruvi tajribasi, yaxshi muloqot va shaxslararo munosabat ko‘nikmalari, shijoatli va ijodkor. Litva, Ukraina, Qozog‘iston va O‘zbekistonda 20 yillik bank va menejment tajribasiga ega. Rivojlangan va rivojlanayotgan bozorlarda bir qator moliyaviy tashkilotlarni muvaffaqiyatli transformatsiya qilib, o‘zgarishlar va oqilona bank madaniyatini joriy etganligi isbotlangan. Jamoa a’zosi. Murakkab sharoitlarda ishlashni ma’qul ko‘radi. Halollik, hurmat, hamjihatlik va professionallik uning asosiy qadriyatlaridir.

Mantas Shukyavichyus aksiyadorlarning yuqori ishonchi tufayli muhim qaror qabul qilish lavozimlarida raislik vazifasini bajargan. Qat’iy biznes qarorlarini qabul qilishdan va kompaniyaning moliyaviy natijalarini yaxshilash uchun jarayonlar hamda tartib-qoidalarni o‘zgartirishda mas’uliyatni zimmasiga olishdan cho‘chimaydi. Korporativ va ulgurji bank ishi, jumladan kredit risklarini boshqarish, savdo va korporativ moliya, moliyaviy restrukturizatsiya va sog‘lomlashtirish, muvofiqlik va jinoiy faoliyatdan olingan daromadlarni legallashtirishga qarshi kurashish bo‘yicha kuchli tahliliy ko‘nikmalar va keng qamrovli bilimlarga ega. Hozirda, "Biznes rivojlantirish banki" ATB Kuzatuv kengashining mustaqil a’zosi sifatida o‘z faoliyatini samarali yuritib kelmoqda.

Bruno Balvanera bank, investitsiya va barqaror rivojlanish sohalarida 35 yildan ortiq tajribaga ega bo‘lgan tajribali xalqaro moliya va rivojlanish mutaxassisidir. U Yevropa tiklanish va taraqqiyot bankida (YTTB) 23 yil davomida yuqori rahbarlik lavozimlarida ishlagan. Markaziy Osiyo, Kavkaz va Rossiya bo‘ylab mintaqaviy operatsiyalarga muvaffaqiyatli rahbarlik qilib, bir necha milliard yevrolik investitsiya portfellarini boshqargan hamda davlat-xususiy sheriklik, moliya sektorini isloh qilish va inklyuziv iqtisodiy o‘sishni rivojlantirgan.

Bruno Balvanera O‘zbekiston va Gruziyaning yirik banklari kengashlarida mustaqil direktor, shuningdek, faol fintech investori va strategik maslahatchi sifatida faoliyat yuritmoqda. Chikago universiteti “Booth” biznes maktabida MBA darajasini olgan va Garvard hamda Chikago universitetlarida rahbarlik kurslari bo‘yicha ta’lim olgan. Ingliz, ispan va fransuz tillarini mukammal biladi, rus tilini yuqori darajada o‘zlashtirgan.

Bruno Balvanera rivojlanayotgan bozorlarda korporativ boshqaruv, shaffoflik va xususiy sektor rahbarligidagi rivojlanishga sodiqligiini namoyish etib kelmoqda. Shuningdek, "Biznes rivojlantirish banki" ATB Kuzatuv kengashining mustaqil a’zosi sifatida o‘z faoliyatini samarali yuritib kelmoqda.