Omonat shartnomasini muddatidan oldin bekor qilish tartibi

Omonatchi 18 (o‘n sakkiz) yoshga to‘lgunga qadar omonat mablag‘lari qaytarib olinganda shartnoma shartlari buzilgan hisoblanadi va hisoblangan foizlar asosiy mablag‘dan chegirib qolinmaydi. Foizlar to‘liq saqlangan oylar uchun to‘lab beriladi.

• 14 yoshga to'lmagan bolalar uchun:

  Omonat shartnomasi uning ota-onasi (bunda ota va ona bankka bir vaqtda tashrif buyurishi yoki birining notarial tasdqilangan rozilik xati orqali murojaat qiladi), qonuniy vakillari, farzandlikka oluvchilar yoki vasiylari tomonidan bekor qilinadi va mablag‘ chiqim qilib beriladi.

• 14 yoshdan 18 yoshgacha bo'lgan bolalar:

  Ular omonatni mustaqil boshqarishlari mumkin (agar omonatni o‘zi qo‘ygan bo‘lsa). Biroq, agar omonat uchinchi shaxs (ota-ona, farzandlikka oluvchilari yoki homiysi) tomonidan ochilgan bo‘lsa, uni yopish uchun ota-ona, farzandlikka oluvchilari yoki homiysining yozma roziligi bilan talab qilinishi mumkin.

Yetim bolalar va ota-ona qaramogʻidan mahrum boʻlgan bolalar uchun kirim qilingan aliment, vasiylik va homiylik hisobidan shakllantirilgan omonat hisobvaraqlari omonatchi 18 yoshga to‘lgandan so‘ng chiqim qilib beriladi.

Omonat bo‘yicha foizlarni to‘lash davriyligi

Omonatga foizlar har oyda hisoblab boriladi va oylik kapitalizatsiya qilinadi. To‘lovlar omonat muddati tugaganda, shartnoma muddatdan avval bekor qilinganda yoki omonatchi 18 yoshga kirgunga qadar vafot etish holati bilan shartnoma muddatdan oldin bekor qilinganda foizlar to‘liq saqlangan oylar uchun to‘lab beriladi. Bunda, kapitalizasiya qilingan summa hisobga olinadi.

Qo‘shimcha shartlar

Omonat bankka muayyan uchinchi shaxs foydasiga qoʻyilishi mumkin. Omonatchi 18 yoshga kirgunga qadar vafot etsa, mablag‘ qonunchilikda belgilangan tartibda omonatchining qonuniy vakiliga chiqim qilib beriladi. Omonat shartnomasini rasmiylashtirishda omonatchi 14 yoshga to‘lmagan bo‘lsa, shartnomaga imzo chekuvchi uning qonuniy vakili, vasiyi, farzandlikka oluvchisi, homiysi yoki boshqa uchinchi shaxs bo‘lgan yuridik yoki jismoniy shaxslarning tasdiqlovchi hujjatlari taqdim qilinishi so‘raladi.