Kredit maqsadi —Iste’mol krediti jismoniy shaxsga uning iste’mol ehtiyojlarini qondirish maqsadida tovarlar (ishlar, xizmatlar) sotib olish uchun ajratiladi.

Pul birligi — so'm.

Kreditning eng ko'p miqdori — 200 mln. so'mgacha.

Maksimal imtiyozli davr — 3 oygacha (differensial grafikda).

To'lov usuli: Annuitet/differensial.

Taʻminotga talablar:

Kredit summasi 100 mln.so‘mgacha:

-uchinchi shaxs kafilligi;

-kredit qaytmaslik xatari to‘g‘risida polisi.

Kredit summasi 100 mln.so‘mdan oshgan taqdirda:

-avtotransport vositasi (ishlab chiqarilganiga 5 yildan oshmagan);.

-Ko‘chmas mulk.

Yoshga doir talab: Kredit olish uchun murojaat qilgan kunida 18 yoshga to'lgan va 65 yoshdan oshmagan O'zbekiston Respublikasi fuqarosi;

Daromadga oid talab: Doimiy ish joyiga, yakka tartibdagi tadbirkorlik faoliyatidan doimiy daromadga, shuningdek kredit boʻyicha hisoblangan foizlarni va asosiy qarzni toʻlov jadvaliga muvofiq har oyda toʻlash uchun yetarli boʻlgan qonun hujjatlarida taqiqlanmagan va hujjatlar bilan tasdiqlangan boshqa daromad manbaiga ega boʻlishi, kamida 6 oy davomida doimiy daromadga ega bo'lishi zarur.

O‘zini o‘zi band qilgan jismoniy shaxslarga kredit quyidagi shartlar asosida ajratiladi:

1. Davlat soliq xizmati organlarida o‘zini o‘zi band qilgan shaxs sifatida ro‘yxatdan o‘tilgan bo‘lishi lozim.

2. Kredit faqatgina UzAvto, ROODEL, BYD va Hyundai rasmiy dilerlari orqali avtomobil sotib olish uchun ajratiladi. Bunda boshlang‘ich badal miqdori kamida 30 foiz miqdorida shakllantirilishi talab etiladi.

3. Agar avtomobil boshqa rasmiy yoki norasmiy dilerlardan xarid qilinayotgan bo‘lsa, boshlang‘ich badal kamida 50 foiz miqdorida shakllantirilishi lozim. Bunday holatda kredit miqdori 200 million so‘mdan oshmasligi kerak.

4. Agar rasmiy daromadga ega bo‘lgan birgalikda qarz oluvchi taqdim etilsa, boshlang‘ich badal kamida 25 foiz miqdorida shakllantirilishi mumkin.

5. Boshqa tovar va xizmatlar sotib olish uchun kredit ajratilishida mol-mulk garovi taqdim etilishi shart hisoblanadi.

6. “Biznesni rivojlantirish banki” tizimida ilgari shu turdagi kreditdan foydalangan o‘zini o‘zi band qilgan shaxslarga, mavjud kredit bo‘yicha qarzdorlik to‘liq so‘ndirilgan taqdirda, ushbu kreditdan yana qayta foydalanishga ruxsat etiladi.

7. O‘zini o‘zi band qilgan shaxs sifatida ro‘yxatdan o‘tgan qarz oluvchining o‘rtacha oylik daromadi bank kartasi aylanmasi orqali aniqlanadi va kredit yuki shu asosda hisoblab chiqiladi.

1. Shaxsni tasdiqlovchi hujjat — pasportning asl nusxasi. Agar mijoz harbiy xizmatchi bo‘lsa va faqat harbiy guvohnomasini taqdim etsa, unda pasport nusxasi ham albatta talab qilinadi.

2. Daromad to‘g‘risidagi ma’lumotlar — rasmiy daromadlar bankning elektron bazasi orqali aniqlanishi mumkin.

3. Oldi-sotdi shartnomasi — tovar yoki xizmatni ishlab chiqaruvchi (yoki sotuvchi) yuridik shaxs bilan tuzilgan shartnoma.

4. Ta’minot hujjatlari — agar garov sifatida mol-mulk ko‘rsatilgan bo‘lsa, u holda mustaqil baholovchi tashkilotning mol-mulk qiymatini baholash hisoboti talab etiladi.

5. Davlat soliq xizmati organlarida oʻzini oʻzi band qilgan shaxs sifatida roʻyxatdan oʻtganligi toʻgʻrisida ma’lumotnoma (zarur bo’lgan hollarda);

Eslatma: Qonunchilikka muvofiq, boshqa tegishli hujjatlar ham talab qilinishi mumkin.