Bank kafolati maqsadi: Tender savdolarida ishtirok etish uchun

Mijoz hisobraqami: Asosiy yoki ikkilamchi (Oxirgi 1 yil davomida bankda ochilgan ikkilamchi hisobvarag’i aylanmasi asosiy hisobvarag’i aylanmasidan ko‘p bo‘lsa)

Bank kafolati valyutasi: Milliy (so‘m) va xorijiy valyuta

Segment: Yuridik shaxs maqomiga ega bo‘lgan tadbirkorlik subyektlari

Bank kafolati miqdori: 100 mlrd. so‘m ekvivalentigacha

Bank kafolatining ma’qullanish: Mazkur mahsulot Bank Boshqaruvi tomonidan Anderrayterlarga berilgan alohida vakolat bo‘yicha ma’qullandi (Mijozning amaldagi kredit va unga tenglashtirilgan amaliyotlari bo‘yicha mavjud majburiyatlaridan qat’iy nazar). Buyurtmanomalar mahsulot talablariga mos kelmagan (kredit siyosati talablari asosida) taqdirda, ushbu buyurtmanomalar vakolatdan kelib chiqib Kredit qo‘mitasi tomonidan ko‘rib chiqiladi va yakuniy qaror qabul qilinadi.

1. KATM bali 250 baldan past bo’lmasligi;

2. Ustav fondi taʼsischilar tomonidan to‘liq shakllantirilgan bo‘lishi;

3. Tashkil qilinganiga 1 yildan oshgan;

4. Qarz oluvchining kredit yuklamasi 100% dan oshiq bo‘lmasligi lozim.

Agarda qarz oluvchi kredit yuklamasi 100% dan yuqori bo‘lsa, kredit ta’minoti sifatida yuridik shaxs kafilligi olinadi. Ushbu holatda kafil korxonaga qo‘yiladigan talablar:

• Kafil korxonalar soni 2 tadan ko‘p bo‘lmasligi;

• Qarz oluvchi va kafil korxona(lar)ning birgalikdagi kredit yuklamasi 100% dan oshmasligi lozim;

• Kafillik summasi olinayotgan bank kafolatining 125% dan kam bo‘lmasligi lozim (agarda kafillar soni 2 ta bo‘lsa, har bir kafil korxona kredit summasining 125% ga kafillik taqdim etiladi);

5. Moliyaviy natijalar to‘g‘risida hisobot (2-son shakl) bo‘yicha zarar bilan yakunlanmagan bo‘lishi;

6. O‘z aylanma mablag‘lari mavjudligi manfiy ko‘rsatkichda bo‘lmasligi;

7. Mavjud kredit va unga tenglashtirilgan operatsiyalar bo‘yicha muddati o‘tgan kredit qarzdorligi bo‘lmasligi;

8. O‘zaro aloqador korxonalarining “Biznesni rivojlantirish banki” ATB tizimida muddati o‘tgan kredit qarzdorliklari mavjud bo‘lmasligi;

9. 2-sonli kartoteka hisobvarag‘ida qarzdorlik mavjud bo‘lmasligi;

10. KATM maʼlumotnomasiga asosan mijozning barcha tijorat banklari oldida hamda o‘zaro aloqador korxonalarining “Biznesni rivojlantirish banki” ATB tizimida “qoniqarsiz”, “shubhali” va “umidsiz” toifalarida tasniflangan amaldagi kreditlari mavjud bo‘lmasligi;

11. Kreditlar bo‘yicha oxirgi 60 oy ichida:

• 30 kundan oshgan muddati o‘tgan qarzdorliklari

15 tadan ko‘p bo‘lmasligi;

• 60 kundan oshgan muddati o‘tgan qarzdorliklari 4 tadan ko‘p bo‘lmasligi;

• 90 kundan oshgan muddati o‘tgan qarzdorliklari

1 tadan ko‘p bo‘lmasligi.

12. Sud jarayonidagi va balansdan tashqariga o’tkazilgan kreditlari bo’lmasligi;

13. “Biznesni rivojlantirish banki” ATB tizimida bugungi kunda mavjud shartnomalar yuzasidan kollegial organ tomonidan belgilangan shartlarini bajarmaslik holatlari mavjud bo‘lmasligi;

14. “Biznesni rivojlantirish banki” ATB tizimida bugungi kunda mavjud kreditlari yuzasidan maqsadsiz ishlatilganlik holatlari mavjud bo‘lmasligi lozim. (Maqsadli ishlatilganlik yuzasidan tekshiruv Kreditlarni boshqarish bo‘limining maqsadli ishlatilganlik to‘g‘risidagi dalolatnomaga asosan amalga oshiriladi. Bunda kreditlar bo‘yicha maqsadli ishlatilganlik to‘g‘risidagi dalolatnoma muddati yetib kelmagan, mijoz yetkazib beruvchini xizmat/mahsulot yetkazib bermaganligi uchun uni sudga bergan hamda kredit mablag‘larini maqsadli ishlatilishini tekshirish lozim bo‘lmagan mahsulotlar orqali ajratilgan kreditlar bo‘yicha ushbu shart qo‘llanilmaydi);

15. Mijozning Majburiy ijro byurosi tomonidan ochilgan ijro ishi bo‘yicha to‘lanishi lozim bo‘lgan mablag‘ bo‘lmasligi lozim.

• Ariza;

• Prinsipial korxona ta’sischilarining amaldagi qonun hujjatlarida belgilangan tartibda rasmiylashtirilgan bank kafolati olish yuzasidan roziligi;

• Boshqa banklardagi hisobraqam aylanmasi (Mijoz asosiy hisobraqami boshqa bankda bo‘lgan holatlarda kartoteka – 2 qarzdorligi) to‘g‘risida ma’lumot;

• Obyekt bo‘yicha tender savdolari o‘tkazilishi yuzasidan e’lon va tender shartlari bo‘yicha ma‘lumot.