14-fevral – buyuk sarkarda va adib Zahiriddin Muhammad Bobur tavallud topgan kun

Bugun — oʻrta asr Sharq tamaddunida chuqur iz qoldirgan shoir, olim va davlat arbobi — Zahiriddin Muhammad Bobur tavalludining 543 yilligi nishonlanmoqda.

Uning “Boburnoma” asari jahon tarixnavisligining nodir namunalaridan biri sanaladi. Gʻazal va ruboiylari esa turkiy adabiyot xazinasining bebaho durdonalaridir.

Bobur Hindistonda Boburiylar sulolasiga asos solib, yuksak davlat boshqaruvi va madaniy taraqqiyot anʼanalarini yoʻlga qoʻydi.

Bobur merosi — jasorat, Vatanga muhabbat va ilmga sadoqat timsoli. Uning nomi va ijodi asrlar osha qalblarda yashaydi.