Joriy yilning 7-fevral kuni “Crystal Resort” dam olish maskanida bank tizimida transformatsiya jarayonlarining samaradorligini oshirish maqsadida bankning TOP-menejerlari va departament direktorlari ishtirokida o‘quv treninglari bo‘lib o‘tdi.

Treninglar doirasida rahbar xodimlarning boshqaruv salohiyatini yanada rivojlantirishga qaratilgan “Rahbarlarning emotsional va ijtimoiy intellekti” hamda “Boshqaruv qarorlarini qabul qilish” mavzulari atroflicha muhokama qilinmoqda.

Mazkur treninglar bank tizimida zamonaviy boshqaruv yondashuvlarini joriy etish, yetakchilik kompetensiyalarini mustahkamlash va transformatsiya jarayonlarini jadallashtirishga xizmat qiladi.

Bank axborot xizmati