“Biznesni rivojlantirish banki” ATB Boshqaruvi rahbariyati tomonidan joylarda tadbirkorlarning muammo va takliflarini bevosita oʻrganish hamda aholi bandligini oshirish borasida tizimli ishlar amalga oshirilmoqda.

Ushbu amaliy chora-tadbirlar doirasida bank Boshqaruvi raisining birinchi oʻrinbosari Shahzod Yusupov Yakkabogʻ va Koʻkdala tumanida tadbirkorlar bilan uchrashdi.

Mazkur uchrashuv hududlarda tadbirkorlikni rivojlantirish, biznes subyektlarini qoʻllab-quvvatlash hamda ularning faoliyatida uchrayotgan muammolarni oʻrganish maqsadida tashkil etildi.

Uchrashuv davomida tadbirkorlar bilan ochiq muloqot oʻtkazilib, ularni moliyaviy qoʻllab-quvvatlash, yangi investitsion loyihalarni amalga oshirish, imtiyozli kreditlar ajratish va biznes faoliyatini kengaytirish masalalari muhokama qilindi.

Shuningdek, tadbirkorlar tomonidan bildirilgan murojaat va takliflar tinglanib, ularning yechimi yuzasidan tegishli masʼullarga vazifalar belgilandi.