Bugungi kunda mobil ilovalar orqali amalga oshirilayotgan moliyaviy operatsiyalar soni ortib borayotgan bir paytda, shaxsiy maʼlumotlar va bank kartalari xavfsizligini taʼminlash dolzarb ahamiyat kasb etmoqda.

Shu munosabat bilan “Biznesni rivojlantirish banki” ATB mutaxassislari fuqarolarga quyidagi muhim tavsiyalarni beradi:

— Ayrim xizmatlari bepul ekani bahona qilinib, ishonchsiz va nomaʼlum ilovalarni oʻrnatib olmaslik;
— Doimiy ravishda foydalanilmaydigan ilovalarga bank kartalarini biriktirmaslik;
— Telefon qurilmasi almashtirilganda, eski qurilmadagi barcha ilovalar hamda ulardagi akkauntlarni toʻliq oʻchirish.

Bank mutaxassislarining taʼkidlashicha, ushbu oddiy qoidalarga amal qilish orqali fuqarolar moliyaviy firibgarlik holatlarining oldini olishlari va shaxsiy mablagʻlarini ishonchli himoya qilishlari mumkin.

“Biznesni rivojlantirish banki” ATB mijozlarining moliyaviy xavfsizligini taʼminlashga qaratilgan axborot-tushuntirish ishlarini izchil ravishda davom ettiradi.

Bank axborot xizmati