“Biznesni rivojlantirish banki” ATB aholi va tadbirkorlariga yanada yaqin boʻlib, ular uchun yangi imkoniyatlar yaratishni izchil davom ettirmoqda. Xususan, joriy yilning 10-oktabr kuni Samarqand viloyati Qoʻshrabot tumanida “Biznesni rivojlantirish banki” ATBning yangi bank xizmatlari markazi oʻz faoliyatini boshladi.

Yangi markaz Qoʻshrabot tumani “Kurolos” MFY Mustaqillik koʻchasi, 138-uy manzilida joylashgan.

Ushbu Qoʻshrabot 2-toifali bank xizmatlari markazining tashkil etilishi hudud aholisi va tadbirkorlik subyektlariga bank xizmatlaridan yanada qulay va tezkor foydalanish imkoniyatini yaratish, shuningdek, moliyaviy xizmatlar qamrovini kengaytirish yoʻlidagi muhim qadamlardan biridir.

• Bank xizmatlari markazida jismoniy va yuridik shaxslarga zamonaviy bank xizmatlari koʻrsatiladi. Xususan, mijozlar:

  • omonat va kredit mahsulotlarini rasmiylashtirish;

  • toʻlovlar va pul oʻtkazmalarini amalga oshirish;

  • bank hisobvaraqlarini ochish va ularga xizmat koʻrsatish;

  • tadbirkorlik subyektlari uchun biznes loyihalarini moliyalashtirish;

  • tadbirkorlik faoliyatini rivojlantirishga qaratilgan moliyaviy xizmatlardan foydalanish;

  • boshqa zamonaviy bank xizmatlaridan foydalanish imkoniyatiga ega boʻladilar.

Markazning ishga tushirilishi, ayniqsa, Qoʻshrabot tumanida tadbirkorlik subyektlarining moliyaviy resurslarga boʻlgan ehtiyojini qondirish, yangi biznes tashabbuslarini qoʻllab-quvvatlash va aholiga sifatli bank xizmatlarini yanada yaqinlashtirishga xizmat qiladi.

“Biznesni rivojlantirish banki” ATB hududlarda bank xizmatlari infratuzilmasini izchil kengaytirish, mijozlar uchun qulayliklarni oshirish hamda tadbirkorlik subyektlarini moliyaviy qoʻllab-quvvatlashga alohida eʼtibor qaratmoqda.