Navoiy davlat konchilik va texnologiyalar universitetida Yoshlar kuni doirasida Biznesni rivojlantirish banki rahbariyati va talabalar oʻrtasida ochiq muloqot boʻlib oʻtdi.

Uchrashuv davomida Risk bosh direktori tomonidan risk boshqaruvi, zamonaviy bank tizimi va yoshlar uchun zarur koʻnikmalar haqida amaliy taqdimot oʻtkazildi. Talabalarga xalqaro tajriba va real biznes misollari orqali qaror qabul qilish, tashabbus koʻrsatish va oʻz ustida ishlashning ahamiyati tushuntirildi.

Shuningdek, Bank rahbariyati yosh tadbirkorlarni qoʻllab-quvvatlash boʻyicha mavjud imkoniyatlar, jumladan startaplarni moliyalashtirish, mahallalarda biznes boshlash uchun yaratilgan sharoitlar va bank mahsulotlari haqida maʼlumot berdi.

Uchrashuv interaktiv savol-javob tarzida oʻtdi va talabalar tomonidan bildirilgan fikr va takliflar alohida qayd yetildi.

Bunday uchrashuvlar yoshlarning bilim va tashabbuslarini qoʻllab-quvvatlash hamda ularni iqtisodiy jarayonlarga faol jalb yetishga xizmat qiladi.