“Biznesni rivojlantirish banki” ATB aholi va tadbirkorlar uchun bank xizmatlaridan foydalanish imkoniyatlarini yanada kengaytirmoqda. Xususan, 2026-yil 14-oktabr kuni Surxondaryo viloyatining Denov tumanida bank tomonidan yangi bank xizmatlari markazi faoliyati yo‘lga qo‘yildi.

Yangi bank xizmatlari markazi manzili Surxondaryo viloyati Denov tumani Sufi Olloyor nomidagi MFY Sharof Rashidov ko‘chasi 270-uy.

Mazkur markazning ishga tushirilishi hududda bank xizmatlari infratuzilmasini rivojlantirish, aholi va tadbirkorlik subyektlari uchun moliyaviy xizmatlardan foydalanish imkoniyatlarini kengaytirish hamda mijozlarga yanada qulay va tezkor xizmat ko‘rsatishni ta’minlash yo‘lidagi muhim qadamlardan biri bo‘ldi.

Yangi bank xizmatlari markazida jismoniy va yuridik shaxslarga zamonaviy bank xizmatlarining keng spektri taklif etiladi. Jumladan, mijozlar quyidagi xizmatlardan foydalanishlari mumkin:

omonat va kredit mahsulotlarini rasmiylashtirish;

to‘lovlar va pul o‘tkazmalarini amalga oshirish;

bank hisobvaraqlarini ochish va ularga xizmat ko‘rsatish;

tadbirkorlik subyektlarining biznes loyihalarini moliyalashtirish;

tadbirkorlik faoliyatini kengaytirish va yangi loyihalarni amalga oshirishga qaratilgan moliyaviy xizmatlardan foydalanish;

boshqa zamonaviy bank xizmatlarini olish.

Markaz faoliyati mijozlarning moliyaviy ehtiyojlarini bir joyning o‘zida hal etish, bank xizmatlaridan foydalanish jarayonlarini soddalashtirish va ularga xizmat ko‘rsatish sifatini oshirishga xizmat qiladi.

Markazning ochilishi, Denov tumanida faoliyat yuritayotgan tadbirkorlik subyektlari uchun muhim ahamiyat kasb etadi. Markaz orqali tadbirkorlar o‘z biznes loyihalarini moliyalashtirish, faoliyatini kengaytirish va yangi tashabbuslarini ro‘yobga chiqarish uchun zarur bank xizmatlaridan foydalanish imkoniyatiga ega bo‘ladilar.

“Biznesni rivojlantirish banki” ATB bank xizmatlari infratuzilmasini hududlarda izchil rivojlantirish, mijozlarga xizmat ko‘rsatish sifatini oshirish va tadbirkorlik subyektlarini moliyaviy qo‘llab-quvvatlashni ustuvor yo‘nalishlardan biri sifatida belgilagan.

Denov tumanida yangi bank xizmatlari markazining ishga tushirilishi ham ushbu maqsadlar yo‘lidagi navbatdagi amaliy qadamlardan biri bo‘lib, hududning iqtisodiy faolligini oshirish, tadbirkorlik tashabbuslarini qo‘llab-quvvatlash va aholi uchun bank xizmatlaridan foydalanishda qo‘shimcha qulayliklar yaratishga xizmat qiladi.