30-iyun – Yoshlar kuni munosabati bilan "Biznesni rivojlantirish banki" ATB rahbariyati hamda yosh xodimlar ishtirokida ochiq muloqot tashkil etildi.

Uchrashuv davomida yoshlarning tashabbuslari, kasbiy rivojlanishi, zamonaviy bank tizimidagi o‘rni va kelgusidagi maqsadlari yuzasidan samimiy fikr almashildi. Tadbirda Bank Boshqaruvi raisining birinchi o‘rinbosari Sh. Yusupov ishtirok etib, yoshlarni yangi marralarni zabt etishga undadi.
Shuningdek, "Eng faol yosh xodim" ko‘rik-tanlovi g‘oliblari tantanali ravishda taqdirlandi. Respublika bo‘ylab hududlardan saralangan 30 nafar yosh xodim turli nominatsiyalar bo‘yicha e'tirof etilib, esdalik sovg‘alari va diplomlar bilan mukofotlandi.