Ayrim ijtimoiy tarmoqlarda “Biznesni rivojlantirish banki” ATB Andijon bank xizmatlari ofisining plastik kartalar bilan ishlash boʻlimida 1 nafar xodimdan boshqa xodimlar yoʻqligi haqida xabarlar tarqaldi.

Mazkur holat bank tomonidan nazoratga olinib, holatga aniqlik kiritildi. Ma'lum bo‘lishicha, holat 2026-yil 22-may kuni soat 17:00 dan keyin sodir boʻlgan. Murojaat yoʻllagan fuqaroga bankda ish vaqti tugaganiga qaramay xizmat koʻrsatilgan.

Hozirda bankning Andijon bank xizmatlari ofisida 3 nafar servis menejeri shtat birligi mavjud. Holat sodir boʻlgan kuni kuni plastik kartochkalar boʻyicha 1 nafar bank xodimi xizmat koʻrsatgan. Bunga sabab qolgan ikki nafar servis menejerlari K.M. va B.U mehnatga layoqatsizlik taʼtilida boʻlgan.

Hozirda bankda xizmat koʻrsatish boʻyicha barcha jarayon belgilangan tartibda davom etmoqda.