Ayrim ijtimoiy tarmoqlarda “Biznesni rivojlantirish banki” ATB tomonidan “Buyuk Britaniyada o‘quv seminarlarini tashkil qilish xizmati” bo‘yicha o‘tkazilgan tanlovning xarid hujjatlarida muddatlar va sanalar bilan bog‘liq xatoliklar mavjudligi haqida xabarlar tarqaldi. Ushbu holat yuzasidan quyidagilar ma’lum qilinadi:

O‘zbekiston Respublikasining “Davlat xaridlari” to‘g‘risidagi Qonun ko‘ra, tanlash boʻyicha xarid qilish hujjatlariga ularning ajralmas qismi boʻlgan shartnoma loyihasi ilova qilinishi belgilangan.

Mazkur lot ilovasidagi tasdiqlanmagan shartnoma loyihasida haqiqatdan ham sanalar bilan bog‘liq texnik xatolik mavjudligi aniqlandi. Aslida lotning tasdiqlangan xarid hujjatlarida har bir seminarni o‘tkazish muddati iyun oyida 10 kunni tashkil etishi belgilab qo‘yilgan.

Shu bilan birga, ushbu shartnoma loyihasida shartnoma tanlovning texnik qismi shartlari asosida o‘zgartirilishi yoki to‘ldirilishi mumkinligi ko‘rsatib o‘tilgan.