Ayrim ijtimoiy tarmoqlarda Biznesni rivojlantirish bankining Namangan viloyatidagi quyi tuzilmalaridan birida kredit uchun qoʻyilgan garovni almashtirish bilan bogʻliq holat yuzasidan mijoz eʼtirozi eʼlon qilindi. 
Mazkur holat boʻyicha bank masʼul tuzilmalari tomonidan oʻrganish oʻtkazildi. Aniqlanishicha, bank mijozi “Gurumsaroy pure oil” MCHJ nomidan 12.03.2026-yilda Pop BXMga garovni almashtirish boʻyicha murojaat qilingan. 
Murojaatni oʻrshanish jarayonida foizlar belgilanishi va hisoblanishi boʻyicha tafovutlar mavjudligi aniqlangan. Holat yuzasidan telefon orqali mijozga tushuntirish berilgan. Jamiyat rahbari D.Tojiboyev holat yuzasidan shaxsan maʼlumot olish istagini bildirib oʻz ixtiyoriga koʻra bankning Namangan viloyati hududiy boshqarmasiga kelgan. Shundan soʻng mijozga tegishli tushuntirishlar berilgan. Hozirda holatni oʻrganish jarayoni davom etmoqda. Lozim boʻlgan taqdirda yangi tafsilotlar boʻyicha qoʻshimcha maʼlumotlar taqdim etiladi.