V Toshkent xalqaro investitsiya forumi doirasida “Biznesni rivojlantirish banki” ATB rahbariyati Germaniyaning AKA (Ausfuhrkredit-Aktiengesellschaft) Bank delegatsiyasi bilan uchrashuv o‘tkazdi.

Muzokaralarda bankning moliyaviy ko‘rsatkichlari, kredit portfeli dinamikasi hamda kichik va o‘rta biznesni qo‘llab-quvvatlash yo‘nalishidagi faoliyati taqdim etildi.
Tomonlar kichik va o‘rta biznesni moliyalashtirish, eksportga yo‘naltirilgan loyihalarni qo‘llab-quvvatlash hamda xalqaro moliya institutlari bilan hamkorlikni kengaytirish masalalarini muhokama qildilar.

Uchrashuv yakunida tuzilmaviy moliyalashtirish va sindikatlashgan kreditlar yo‘nalishlarida hamkorlikni chuqurlashtirish bo‘yicha kelishuvga erishildi.