“Biznesni rivojlantirish banki” ATB Oila va xotin-qizlar davlat qo‘mitasining boshlang‘ich tashkiloti hamda bank kasaba uyushmasi bilan hamkorlikda 8-mart – Xalqaro xotin-qizlar kuni munosabati bilan “Park in Mall” savdo markazida bayramona aksiya tashkil etdi.

Tadbir davomida bank xodimlari savdo markaziga tashrif buyurgan ayollarga bahoriy kayfiyat ulashib, ularni bayram bilan samimiy tabrikladilar hamda gullar ulashdilar. Ushbu tashabbus orqali xotin-qizlarga hurmat va e’tibor ko‘rsatilib, bayram shukuhi yanada yuksak kayfiyatda nishonlandi.

“Biznesni rivojlantirish banki” jamoasi barcha xotin-qizlarni 8-mart – Xalqaro xotin-qizlar kuni bilan samimiy muborakbod etadi hamda ularga sihat-salomatlik, baxt-saodat va oilaviy farovonlik tilaydi.