Mahsulotning qo'llanilish maqsadi: Birlamchi bozordan KIA va Chery rusumidagi avtomobillarni sotib olish uchun.

Boshlang‘ich to‘lov: 25% dan boshlab

Kredit muddati: 12 oydan 60 oygacha

Foiz stavkasi:

To‘lov grafigi: Annuitet

Foiz turi: O‘zgarmas

Kredit valyutasi: So‘m

Yosh chegarasi: Mijoz kredit olish uchun murojaat qilgan vaqtda kamida 18 yoshda, ko‘pi bilan 65 yoshda bo‘lishi kerak

O‘zini o‘zi band qilgan shaxslar uchun kredit ajratilish shartlari

1. Qo‘shimcha talablar asosida kredit ajratiladi:

• Shaxs tomonidan Davlat soliq xizmati organlarida o‘zini o‘zi band qilgan fuqaro sifatida ro‘yxatdan o‘tilgan bo‘lishi kerak;

• Avtomobil xarid qilish uchun kredit ajratiladigan holatda, kamida 30% boshlang‘ich to‘lov shakllantirilgan bo‘lishi lozim.

2. Daromad manbai rasmiy hujjatlar bilan tasdiqlanishi shart emas:

• O‘zini o‘zi band qilgan shaxs sifatida ro‘yxatdan o‘tilgan holatda, rasmiy daromad manbai taqdim etilishi talab qilinmaydi.

• Bunda qarz oluvchining bank kartasi orqali o‘tkazilgan tushumlar asosida o‘rtacha bir oylik daromad aniqlanadi va unga mos ravishda qarz yuki hisoblab chiqiladi.

3. Qayta foydalanishga ruxsat beriladi:

• Agar Biznesni rivojlantirish banki orqali ajratilgan kredit to‘liq so‘ndirilgan bo‘lsa, ushbu kreditdan qayta foydalanishga imkon beriladi.

Kredit olish uchun talab etiladigan asosiy hujjatlar:

1. Shaxsni tasdiqlovchi hujjat – pasport yoki ID-karta asl nusxasi. Agar mijoz harbiy xizmatchi bo‘lsa, harbiy guvohnoma bilan birga pasport nusxasi ham kerak bo‘ladi.

2. Daromad haqida ma’lumot – ish haqi yoki boshqa daromadlaringiz haqida hujjat. Bu ma’lumotni ba’zan bankning elektron tizimi orqali ham olish mumkin.

3. Shartnoma – tovar yoki xizmatni sotuvchi/ishlab chiqaruvchi tashkilot (yuridik shaxs) bilan tuzilgan oldi-sotdi shartnomasi.

4. Garov hujjatlari – agar garov sifatida mol-mulk qo‘yilsa, mustaqil baholovchi tashkilotning baholash hisobotini taqdim etish kerak.

5. O‘zini o‘zi band qilish guvohnomasi – agar mijoz o‘zini o‘zi band qilgan shaxs bo‘lsa, Davlat soliq xizmati organlaridan olingan ro‘yxatdan o‘tganligi haqidagi ma’lumotnoma (zarur hollarda).

Kredit olishda daromadni hisoblash uchun quyidagi hujjatlar va ma’lumotlar asos bo‘ladi:

• Ish haqi haqida ma’lumot – so‘nggi 6 oy davomida uzluksiz olingan (mehnat ta’tili yoki kechikkan ish haqi bu hisobga kirmaydi).

• Pensiya miqdori – qancha miqdorda pensiya olayotganingiz to‘g‘risidagi ma’lumot.

• Jamg‘arma pensiya badallari – pensiya tizimiga o‘tkazilgan to‘lovlar haqidagi ma’lumot.

• Soliqlar haqida ma’lumot – to‘lagan soliqlaringiz asosida olinadi.

• Ijara, dividend, foiz daromadlari – mol-mulkni ijaraga berish yoki aksiyalardan olgan foyda bo‘yicha ma’lumotlar.

• Bank kartalari va hisob raqamlariga tushgan pul mablag‘lari – oxirgi 6 oy davomida tushgan daromadlar asosida.

• Mavsumiy ishchilar uchun – oxirgi 6 oy ichida kamida 3 oy uzluksiz daromad olgan bo‘lishi kerak (9-ilova, VMQ 758-son, 2024-yil 14-noyabr).

Eslatma: Daromad hisoblashda soliqlar chiqarib tashlangan holda hisob qilinadi. Shuningdek, Qonunchilikda ko‘rsatilgan boshqa qo‘shimcha hujjatlar ham so‘ralishi mumkin.