“Biznesni rivojlantirish banki” ATB tizimida gender tenglikni taʼminlash, shuningdek, rahbar ayollar sonini koʻpaytirish, xotin-qizlarning kasbiy va shaxsiy oʻsishi, liderlik qobiliyatlarini rivojlantirish, ayol xodimlarni psixologik va ijtimoiy jihatdan qoʻllab-quvvatlash maqsadida “BRB Nafis ayollari klubi” loyihasiga asos solindi.
Bundan koʻzlangan asosiy maqsad ayol xodimlar uchun muvaffaqiyatli karyera hamda farovon va baxtli oilani parallel ravishda amalga oshirishga koʻmaklashishdan iborat.
“BRB Nafis ayollari klubi” loyihasiga nomzodlar har bir mavsum uchun onlayn test sinovlari asosida saralanib, Bosh ofis va barcha hududlardan 61 nafar xotin-qizlar tanlab olindi. Bir mavsum 6 oy davom etadi hamda Hard va Soft skills yoʻnalishidagi treninglardan, amaliy mashqlardan, bank faoliyati boʻyicha biznes keyslar muhokamasidan iborat boʻladi.
Shuningdek, loyiha davomida muvaffaqiyatli karyera va baxtli oila formulasini amalga oshirayotgan ayol tadbirkorlar, ayol rahbarlar, psixolog, motivator va madaniyat vakillari ham mashgʻulotlarga bevosita jalb etiladi.
Har bir mavsum ishtirokchilarining dunyoqarashi, psixologik, tanqidiy va mantiqiy fikrlash doirasini kengaytirish, oʻziga boʻlgan ishonchni yuksaltirish maqsadida biznes va shaxsiy rivojlanish boʻyicha kitobxonlik tanlovlari oʻtkazilib, gʻoliblar moddiy va maʼnaviy ragʻbatlantiriladi.
Mavsum yakunida bank Boshqaruvi raisi klub aʼzolari bilan uchrashadi. Oʻquv kurslarini muvaffaqiyatli tugatgan ayollarga maxsus diplom taqdim etiladi.
Xodimlarga motivatsiya berish maqsadida, klub faoliyatida faol va namunali ishtirok etgan ayol xodimning muvaffaqiyatli karyerasi toʻgʻrisida videorolik tasvirga olinib, bankning ijtimoiy tarmoqlardagi sahifalarida eʼlon qilish ham rejalangan.
Bank axborot xizmati
Eng soʻnggi yangilanishlar, tushunchalar va bank maslahatlarini oling.
Formani to‘ldirganingiz uchun tashakkur, agentimiz yaqinda siz bilan bog‘lanadi.
