Bank O‘quv markazida bankning hududiy boshqarmalarida faoliyat yuritayotgan Muammoli aktivlar bilan ishlash va undiruv bo‘limi xodimlari uchun kasbiy bilim va malakalarni oshirishga qaratilgan o‘quv mashg‘ulotlari bo‘lib o‘tdi.

Mazkur o‘quv dasturi “Kredit majburiyatlari, garov bilan ta’minlangan talablar va undiruv mexanizmlari” mavzusiga bag‘ishlangan bo‘lib, unda soha mutaxassislarining amaliy bilimlarini mustahkamlashga alohida e’tibor qaratildi.

Mashg‘ulotlardan ko‘zlangan asosiy maqsad — o‘tkazilgan test sinovlari natijalariga ko‘ra aniqlangan bilim bo‘shliqlarini bartaraf etish, shuningdek, aktivlar sifatini tasniflash, zaxiralar yaratish, garov bilan ta’minlangan majburiyatlarni qanoatlantirish, bank balansiga olingan mol-mulklar bilan ishlash, sud hujjatlari hamda davlat ijrochilari bilan ishlash tartiblari bo‘yicha amaliy ko‘nikmalarni yanada rivojlantirishdan iborat.

O‘quv jarayonida tinglovchilar zamonaviy yondashuvlar asosida bilimlarini yangilab, ish faoliyatida samaradorlikni oshirishga xizmat qiluvchi ko‘nikmalarga ega bo‘ldi.

Bank Axborot xizmati