Xizmat sifatini baholang

«Biznesni rivojlantirish mikromoliya tashkiloti» MChJ tashkilotning potensial va mavjud mijozlari uchun koʻp funksiyali Telegram-bot ishlab chiqish boʻyicha tijorat takliflarini qabul qilish tanlovini eʼlon qiladi.

Loyihaga qoʻyiladigan asosiy talablar:

1. WebView (Telegram ichidagi oʻrnatilgan veb-interfeys)ni qoʻllab-quvvatlash:
   Bot doirasida mikromoliya tashkilotining barcha xizmatlarini oʻz ichiga olgan WebView (oʻrnatilgan sahifalarga oʻtish imkonini beruvchi bot-menyu) mavjud boʻlishi kerak, jumladan:

   • Xizmatlar boʻyicha maslahatlar;

   • Arizalarni koʻrish va rasmiylashtirish;

   • Hujjatlarni onlayn imzolash (agar texnik imkoniyat boʻlsa).

2. Asosiy funksional:

   • OneID (Yagona identifikatsiya tizimi) orqali foydalanuvchilarni roʻyxatdan oʻtkazish va avtorizatsiya qilish;

   • Skoringdan oʻtish va onlayn-kreditni rasmiylashtirish;

   • Arizalar holatini koʻrish;

   • Kreditlarni boshqarish (toʻlovlar jadvalini koʻrish, operatsiyalar tarixi);

   • Tashkilotning CRM-tizimi bilan oʻzaro ishlash (API orqali maʼlumotlarni uzatish, arizalarni avtomatik yaratish);

   • Arizalarni kelishish jarayoni;

   • Kredit mablagʻlarini avtomatik tarzda oʻtkazib berish imkoniyati;

   • Toʻlovlarni avtomatik yechib olishni (avtospisaniye) joriy etish (agar texnik imkoniyat mavjud boʻlsa).

3. Integratsiyalar:

   • Tashkilotning CRM-tizimi API-si;

   • Skoring xizmatlari;

   • Elektron toʻlov tizimlari va mablagʻlarni oʻtkazish tizimlari.

4. Qoʻshimcha talablar:

   • Yuqori darajadagi xavfsizlik (maʼlumotlar xavfsizligiga oid amaldagi talablarga rioya qilgan holda);

   • Koʻp tilli interfeys (oʻzbek, rus, ingliz);

   • Funksionalni kelgusida kengaytirish uchun moslashuvchanlik.

Tijorat taklifiga qoʻyiladigan talablar:

• Loyihani amalga oshirish muddati – 3 oy;

• Batafsil smeta (ishlab chiqish, integratsiyalar, texnik qoʻllab-quvvatlash);

• Joriy etish narxi va u bilan bogʻliq boʻlishi mumkin boʻlgan xarajatlar;

• Kafolat majburiyatlari va texnik kuzatuv shartlari;

• Kelgusidagi hamkorlik boʻyicha taklif (qoʻshimcha ishlanmalar, texnik yordam va h.k.).

Hamkorlikning boshqa shakllari ham koʻrib chiqiladi.

Takliflarni topshirish muddati: 2025-yil 25-iyulgacha.

Takliflar quyidagi elektron pochta manzilida qabul qilinadi: brmt@brb.uz

Savollar boʻyicha quyidagi telefon raqamiga murojaat qilishingiz mumkin: +998-71-202-75-75